Komuna Diber

Gjatë mbrëmjes së të dielës filloi festivali I shtatë më radhë “Teatri shqiptar në Maqedoni – Dibra 2008”, në të cilin do të marrin pjesë 9 trupa teatrore shqiptare nga Maqedonia, Shqipëria dhe Kosova. Argëtim Fida, kryetar I komunës së Dibrës së Madhe, e hapi festivalin me këto fjalë:”Të nderuar bashkëqytetarë, përfaqësues të jurisë, regjisorë, koreografë, aktorë, të nderuar artdashës dibranë, këtij festivali I ka dhënë peshë gjithmonë edhe mbështetja e personave eminent që udhëheqin politikën shqiptare në Maqedoni. Nga viti në vit në Dibër u kujtua dashamirësia për teatrin dhe këtyre ditëve kjo qytezë do të jetë qendër e kulturës së tërë trojeve shqiptare”. Sipas Fidës edhe ky festival I përjetoi shqetësimet se a do të fillojë, apo si, qoftë të obstruksioneve, ose pengesave financiare. Megjithatë, mbisundoi dashuria e dibranëve për teatrin, që I mposhti problemet. Ai një falënderim të vecantë e shprehi edhe deri te trupat teatrore, të cilët nuk morën parasysh pengesat që dikush I shpifte, por erdhën dhe u paraqitën me shfaqjet e tyre dhe kështu do të veprojnë edhe në të ardhmen dhe ky festival do të jetojë për shumë mote.

Ndërkohë, pushteti vendor apeloi që ky festival të bëhet institucional. Në mungesë të vullnetit të pushtetit qëndror në dy vitet e kaluara, komuna e Dibrës edhe pse e vogël dhe me buxhet të pamjaftueshëm mori mbi supet që ky festival të mbijetojë. “Jemi drejtuar për ndihmë edhe deri te disa institucione, ndërmarrje, apo organizata në mesin e të cilëve është edhe Mobimaku, Telekomi etj.dhe shpresojmë në ndihmën e tyre”, sqaroi në vazhdim Fida. Në natën e parë të festivalit para artdashësve u paraqit teatri Profesionist I Dibrës së Madhe me shfaqjen përshëndetëse “Historia e zooparkut” e autorit Edëard Ollbee, me regji të Ylber Nuredinit dhe me rolin e Piterit, luajtur nga Nimon Mucaj dhe të Xherit, nga Ylber Nuredini. Pas shfaqjes, regjisori Ylber Nuredini, deklaroi se:”Linja qëndrore, dramaturgjike e kësaj drame është se sot njerëzit kanë përgjegjësi të përkujdesen për të gjitha shtresat e kësaj shoqërie në të gjitha aspektet. Duke mos e bërë këtë lindin ngjarje dhe situate nga më të ndryshmet, sic është rasti që sonte e shfaqëm këtu. Xheri në pamundësi për të arritur qëllimet e veta elementare, vendos t`I jep fund jetës. Mirëpo, meqë nuk e ka guximin ta kryejë vetë, takon Piterin në një park qëndror të Nju Jorkut, përmes së cilit realizon idenë e vet”. Sipas tij, mesazhi I kësaj shfaqeje është se te të gjithë njerëzit, në moment të caktuara zgjohet gjeni shtazarak, që e kemi brenda vetes. Gjatë netëve në vazhdim të këtij festivali do të jenë të pranishëm funksionarë të profileve të ndryshme, si ambasadorja e Hollandës, ministra, deputetë dhe kryetarë komunash nga maqedonia, Kosova, duke mos munguar edhe personalitete nga Shqipëria. Motoja e këtij festivali është”Ndjehuni sin ë shtëpinë tuaj”. Festivalin e bëjnë me mjete të reduktuara, por me zemër të gjerë. Sponzorë kryesorë të këtij festivali janë komuna e Dibrës, ndërsa ndihmojnë edhe Ambasada e Hollandës, Banjat e Dibrës-Capa, dhe njësia rajonale e Bankës Ekonomike.

Rexhep Torte E hënë, 6 tetor, 2008

Kthehu pas