Komuna Diber

Dy qytetet kufitare, Dibra dhe peshkopia, përmes bashkëpunimit të ndërsjellë synojnë të përfitojnë fonde ndërkombëtare, ndërsa kërkojnë sa më shpejt të lejohet qarkullimi edhe I mallrave në vendkalimin kufitar të Bllatës Pushteti vendor I Dibrës dhe Peshkopisë kanë intensifikuar bashkëpunimin në drejtim të realizimit të projekteve ndërkombëtare të bashkëpunimit ndërkufitar. Drejtuesit e dy komunave, asaj të Dibrës Argëtim Fida dhe të Peshkopisë, Ilir Krosi, theksojnë angazhimin për të aplikuar në projekte të përbashkëta ndërkombëtare.

Kryetari I Dibrës tha se dy vitet e fundit janë realizuar aktivitete të shumta për trajtimin e ujrave të zeza që ndotin Liqenin e Dibrës dhe Drinin e Zi, të financuar nga Ambasada holandeze në Shkup. Dy komunat bashkërisht lobojnë për të përfituar fonde nga projekti evropian IPA rreth bashkëpunimit ndërkombëtar, ndërsa ka filluar projekti I përbashkët për shfrytëzimin e ujit për ujitje të lumit Radika nga të dyja anët e kufirit. Nëse realizohet deri në fund projekti, për të cilin janë zhvilluar kontakte ndërshtetërore të Ministrive të bujqësisë, atëherë mundësohet ujitja e mbi 4000 hektarëve tokë në Dibër dhe mbi 1000 në komunën e Maqellarës së Peshkopisë. Kryetari I Dibrës, Argëtim Fida, thotë se ekziston plan për ndërtim të hidrocentraleve, ndërsa theks I vecantë I kushtohet kërkesës për hapjen e vendkalimit të ri kufitar në Bllatë ku do të lejohej kalimi I mallrave me akcizë. Ndërkaq, kryetari I Bashkisë së Peshkopisë, Ilir Krosi, thotë se bashkërisht me komunën e Dibrës synojmë projekte ndërkombëtare. Ai thotë se bashkëpunimi I deritanishëm kulturor, sportive, shkencor dhe në fushat e tjera ka një dinamikë shumë të mirë, ndërsa potencon se përmes projekteve duhet të përforcohet bashkëpunimi më I madh tregtar mes maqedonisë dhe Shqipërisë. “Domethënie të vecantë ka projekti për vaditjen e fushës së Dibrës, I cili ka mundësi përkrahjeje ndërkombëtare. Viteve të fundit ka një bashkëpunim të mirë mes pushteteve vendore për shkëmbimin e përvojave të administratës locale, sepse edhe synimet e të dy vendeve tona lidhen me integrimin në Evropë”, tha Krosi. Vendkalimi kufitar I Bllatës, sipas tij, duhej të jetë I lejueshëm edhe për qarkullimin e mallrave. Shpresojmë që Brenda 6 muajve të ardhshëm të realizohet vendimi nga të dy Ministritë, pasi statusi I tanishm pengon shumë tregtarët dhe biznismenët”, tha kryetari I bashkisë së Peshkpisë.

V.S

Kthehu pas