Këshilli i Komunës Dibër të dielën ka mbajtur seancë të jashtëzakonshme komemorative në të cilën morën pjesë familjarë të personave që humbën jetën, këshilltarë, Argëtim Fida, kryetari i komunës dhe Ruzhdi Lata myftiu i Dibrës Në praninë e mijëra qytetarëve dhe me nderime të mëdha në Dibër janë varrosur Petrit Bomova dhe Ramazan Trebishta. Dy të vdekurit e tjerë janë Linda Karameti 29 vjece dhe foshnja e saj Engjëll Karameti 18 muajshe, janë varrosur në SHBA. Me rastin e varrimit të katër dibranëve klandestinë, këshilli i Komunës së Dibrës të dielën mbajti seancë të jashtëzakonshme komemorative në të cilën morën pjesë familjarë të personave që humbën jetën, këshilltarë, Argëtim Fida, kryetari i Komunës dhe Ruzhdi Lata myftiu i Dibrës. Nizamedin Papraniku, kryesuesi i Këshillit të Komunës, duke ngushëlluar prindërit e viktimave në emër të qytetarëve, propozoi që dita e hënë të jetë ditë zie për për Dibrën dhe dibranët. Argëtim Fida, kryetar i Komunës së Dibrës theksoi se ky qytet këtyre ditëve ka qenë i veshur me pikëllim, trishtim dhe revoltë nga rasti në fjalë. Fida, më tutje shtoi se kjo tragjedi tronditi shpirtrat e tërë dibranëve kudo që ndodhen. “Shprehim njëherësh edhe revoltën tonë duke ngritur zërin kundër lënies pas dore të Dibrës me dekada nga pushteti qëndror, që e detyron rininë tonë që perspektivën ta shen te mërgimi”, tha Fida. Ai tha se mërgimin e shtojnë edhe problemet e sigurisë në qytet, të cilat riciklohen me porosi nga ndonjë kuzhinë dashakeqe. Ai tha se dëshiron që sakrifica e këtyre të rinjve të shëndrohet në solidaritet me familjet e tyre dhe në bashkimin e forcave intelektuale dhe financiare këtu dhe në diasporë, duke nxitur Qeverinë e maqedonisë dhe faktorin ndërkombëtar të ndihmojnë në krijimin e kushteve që rinia dibrane ardhmërinë ta sheh në këtë qytet e jo në vendet e huaja. Ruzhdi Lata, myftiu i Dibrës, u shpreh se në këto raste kur dhimbjet vijnë nga jashtë edhe ngushëllimi është i vështirë. “Profeti Muhamed thotë se vdekja është mësim, ndaj dhe ne duhet ta lexojmë, kuptojmë dhe aqarojmë, për të gjetur forca për të kapërcyer dhembjen, sepse ka ardhur casti i fundit që cështja dibrane të shtrohet në tryezën e Qeverisë së Maqedonisë, të partive politike dhe të institucioneve tjera, sepse më se tri dekada në Dibër nuk është investuar në asnjë objekt ekonomik”, tha Lata. Dibra është qyteti më karakteristik dhe unikal në botë, me mijëra dibranë të mërguar fillimisht në Turqi, 50 mijë dibranë që sot jetojnë në Itali, ndërsa 15 mijë në SHBA.

Rexhep Torte 07.03.2007

Kthehu pas