Shprehim falënderim dhe mirënjohje për Islam Tale-Loshin, i cili mori përsipër sigurimin e të gjitha materialeve të nevojshme për riparimin e tyre.
Në të njëjtën kohë, Komuna e Dibrës vazhdon pa ndërprerë angazhimin për mirëmbajtjen dhe zbukurimin e hapësirave publike. Tashmë për 12 ditë me radhë, çdo ditë nga ora 06:00 deri në 12:00, ekipet komunale po realizojnë aksionin për lyerjen e drunjve në të gjitha pjesët e qytetit.
Ky aktivitet synon mirëmbajtjen e gjelbërimit, mbrojtjen e drunjve dhe përmirësimin e pamjes së qytetit, duke krijuar një ambient më të pastër, më të rregullt dhe më të këndshëm për të gjithë.
Të kujdesemi për pronën publike dhe mjedisin që na rrethon, sepse ato janë pasuri e përbashkët dhe përgjegjësi e secilit prej nesh.
ReWaste – Krijimi i Ekonomive Qarkore duke Shpërblyer Sjelljen e Përgjegjshme
Programi Interreg IPA Greqi – Maqedonia e Veriut
Buxheti total:919.966,80 €
Partnerët:
Komuna e Voios
Klasteri i Bioekonomisë dhe Mjedisit në Maqedoninë Perëndimore (CLUBE)
Komuna e Dibrës
Qendra për Mirëkuptim dhe Bashkëpunim Institucional – Shkup (CUIC)
Përshkrimi i projektit
Vizioni i projektit ReWaste është të transformojë sistemet e menaxhimit të mbeturinave dhe të nxisë ekonominë qarkore duke shpërblyer drejtpërdrejt qytetarët për riciklimin e përgjegjshëm. Përmes sistemeve inovative të makinave të riciklimit me shpërblim (Reverse Vending Machines) dhe fushatave të ndërgjegjësimit, projekti synon të motivojë komunitetet që të riciklojnë më shumë, të ulin ndotjen dhe të promovojnë konsum të qëndrueshëm.
Projekti zbatohet në Komunën e Voios (Kozan, Greqi) dhe Komunën e Dibrës (Rajoni Jugperëndimor, Maqedonia e Veriut), duke siguruar një shpërndarje të barabartë të aktiviteteve ndërkufitare. Të dy komunat do të vendosin sisteme inteligjente riciklimi, të cilat u ofrojnë qytetarëve kredi dhe kupona shpërblimi sa herë që dorëzojnë ambalazhe dhe materiale të riciklueshme, duke krijuar kështu një nxitje konkrete për pjesëmarrje.
Komuna e Voios, si përfituesi kryesor i projektit, është përgjegjëse për menaxhimin e përgjithshëm dhe pilotimin e sistemit të riciklimit me shpërblim, duke përfshirë furnizimin, instalimin dhe funksionalizimin e njësive inteligjente të grumbullimit.
Klasteri i Bioekonomisë dhe Mjedisit në Maqedoninë Perëndimore (CluBE) fokusohet në angazhimin e qytetarëve, organizimin e trajnimeve dhe zhvillimin e zgjidhjeve inovative sociale për promovimin e sjelljeve të përgjegjshme ndaj mjedisit.
Komuna e Dibrës do ta përshtatë dhe zbatojë sistemin në nivel lokal, ndërsa njëkohësisht do të udhëheqë hartimin e një plani afatgjatë investimesh për menaxhimin komunal të mbeturinave.
Qendra për Mirëkuptim dhe Bashkëpunim Institucional – Shkup (CUIC) do të realizojë aktivitetet e komunikimit, promovimit dhe ndërgjegjësimit, duke siguruar dukshmëri të gjerë të projektit dhe pjesëmarrje aktive të komunitetit.
Rezultatet kryesore të projektit
Projekti parashikon:
Instalimin dhe funksionalizimin e makinave inteligjente të riciklimit me sistem shpërblimi.
Hartimin e raportit mbi gjendjen aktuale dhe Planeve Lokale të Veprimit Ekologjik.
Përgatitjen e materialeve informuese shumëgjuhëshe.
Zhvillimin e një programi trajnimesh dhe bashkëkrijimi për komunitetin.
Organizimin e programeve për ngritjen e kapaciteteve.
Hartimin e një strategjie digjitale për zgjerimin e modelit.
Përgatitjen e një Manuali të Rekomandimeve të Politikave për të dy vendet.
Përfshirja e publikut do të forcohet përmes të paktën 12 aktiviteteve ndërkufitare, si dhe fushatave të ndërgjegjësimit në shkolla dhe komunitete, duke arritur mbi 200 pjesëmarrës.
Përfituesit
Projekti ReWaste u sjell përfitime:
qytetarëve, të cilët do të shpërblehen financiarisht për riciklimin dhe do të jetojnë në një mjedis më të pastër;
komunave, të cilat do të ulin kostot e menaxhimit të mbeturinave;
bizneseve lokale, të cilat do të përfitojnë nga sistemi i kuponëve dhe rritja e aktivitetit ekonomik;
institucioneve publike dhe organizatave mjedisore, të cilat do të kenë në dispozicion të dhëna, strategji dhe infrastrukturë më të avancuar.
Rezultatet e matshme
555.000 € investime në infrastrukturë të re për riciklim.
12 aktivitete të përbashkëta ndërkufitare.
Bashkëpunim i qëndrueshëm ndërmjet 4 organizatave partnere.
Me një buxhet total prej 919.966,80 €, nga të cilat 80% financohen nga Bashkimi Evropian, projekti ReWaste synon të krijojë përmirësime afatgjata në riciklim, të gjenerojë mundësi të reja biznesi në ekonominë qarkore dhe të ndërtojë një kulturë të përgjegjësisë mjedisore që do të vazhdojë edhe pas përfundimit të projektit.
Punimet po realizohen me qëllim të përmirësimit të sigurisë në komunikacion, rritjes së dukshmërisë së sinjalizimit horizontal dhe lehtësimit të qarkullimit për të gjithë pjesëmarrësit në trafik.
Komuna e Dibrës mbetet e përkushtuar në përmirësimin e infrastrukturës rrugore dhe krijimin e kushteve më të sigurta për qytetarët.
Faleminderit për mirëkuptimin gjatë zhvillimit të punimeve.
Gjatë takimit në kabinetin e Kryetarit u diskutua për projektet zhvillimore të komunës, investimet infrastrukturore dhe mundësitë për thellimin e bashkëpunimit institucional në realizimin e projekteve me rëndësi për qytetarët e Dibrës.
Pas takimit, Kryetari Mela dhe Zëvendëskryeministri Sali zhvilluan një inspektim në terren të punimeve që po realizohen në dy projekte të rëndësishme infrastrukturore: rruga te Bulevardi i Ri dhe rruga në lagjen Venec 2, ku paralelisht po ndërtohet edhe rrjeti i kanalizimit fekal.
Këto investime, të cilat po realizohen sipas standardeve më të larta të ndërtimit, përfaqësojnë një hap të rëndësishëm drejt përmirësimit të infrastrukturës lokale. Pas shumë vitesh pritjeje, banorëve të këtyre lagjeve po u bëhet realitet një kërkesë e kahershme, duke u siguruar rrugë moderne dhe infrastrukturë cilësore që do të përmirësojnë ndjeshëm kushtet e jetesës.
Kryetari Fisnik Mela theksoi se Komuna e Dibrës mbetet e përkushtuar në realizimin e projekteve që ndikojnë drejtpërdrejt në përmirësimin e cilësisë së jetës së qytetarëve, ndërsa falënderoi institucionet qendrore për mbështetjen dhe bashkëpunimin në realizimin e këtyre investimeve me rëndësi për komunën.
